خواطرى وهمساتى

طبعِكْ غلب

طبعِكْ غلب .....
احترت اسوى معاك شنو
نادانى احساس فى غضب
ياخى الحفر ليك ادفنو
والريدة حمالة عجب
ياخى البسيبك أهملو
ارض الله ما ضاقت بعبد
لى وين مشاعرك قبلو
وقدر الله مهما كان صعب
لابدَّ نفسك تقبلو

وكلمنى احساس انتحب
سايلات دموعو يحننو
خليها فى رعاية الهوى
يشملها من قلبك حنو
كان وردة فيهو اتفتحت
بيها المشاعر اعتنو
بثوها خلجات الغرام
كتبوها اشعار لحنو
عزفوها انغام الهيام
غنوها نشوة ودندنو
طبعك غلب.....
احترت اسوى معاك شنو