خاطرة أولى

أنساك!!!
قول لى كيف ؟
أنساك !!
كيف أعيش دنياى
بدون حبك بدون لقياك !
لا تهواك أحاسيسى لا قلبى الحزين يطراك
كيف للعيون الأدمنت شوفتك
تغيب عنك وماتقراك !
كيف للغزل القلتو فى حقك يموت؟
كان فى الأصل روح الكلام هيمانة سارحة بعيد معاك !
ياوجعة الريدة البقت تشتاق وتتمناك
تفتش فى حكاوى الحب عشان تلقاك
ومابتلقاك؟
اخ من عدم رؤياك ؟
لا صورة بيها اذكرك ياغاليه ياشبه الملاك
لا لاقى لى حسنك بديل لا زولة توصل مستواك
ياحليلو الليل بلاك!
لا نجمة تلمع فى السما
لا قمرة تعكس لون ضياك !
حتى النهار
أنوارو خفت من مشيت شايل ضياك !
والنسيم جافى الجروف
من طيب عبيرو الكان شذاك
مشاعر الفرحة والبهجة الى كانت يوم معاك
اتبدلت ضاعت خلاص
صارت حجار من غير حراك !!!